السيراتوا .... و بعد التفكير مش عارف ..

رجالة ...

فات 3 سنين و انا جايب السيسراتوا بكل ما فيهم من حلو و وحش العربية كعربية حلوة

لكن انا العربية ديه قرفتها وحشة معايا مش عارف ليه كل شوية تبوظ و يحصلها حجات خارجة عن ارادتي ولا بسببي ...

دلوقتي لما فكرت في بيع حمسك 90 لركيب عشان هيا كعربية نضيفة مفيهاش حاجة بس انا خلاص مش طايقها ...

لكن فكرت حركب ايه ... كنت حكمل و اجيب الريوا هاتش باك كاملة ب 125 الف بس كتير عارضوني و قالولي ما انتا راكب كيا حتركب كيا تاني و اقل كمان . ما تركب سيراتوا 2013 و ده مش منطق برضه ... و اركب هينوديا اكيد مش موافق عشان مش بعد كيا ممكن اركب اقل من الاوبشن الي فيها ...

هيا فيها شوية حجات تتعمل و تبقى كويسة بس محدش بيشجعني ابيعها :( و لو بعتها مفروض اطلع فوق يعني حتة جيتا زيروا و لا اي عربية تحس انك فرقت في الركوبة معاك ..

رايكم ايه كأخواتي في قسم كيا ؟

و انا كنت عاوز ابيع برضه عشان سعر العربية مينزلش مع نزول الشكل الجديد بس كله بيقول مش حيأثر زي الانلتنترا و اصلا الكيا بتغلى و عليها طلب و السيرتاوا الف ميت واحد يتمنها :(

محتار

لو حاسس ان العربية مش مريحاك بيعها ..

ممكن تركب حاجة اقل و تحس انك مرتاح فيها و منسجم معاها اكتر و بتديك كل اللى عايزه

ممكن حد يبقى راكب عربية غالية و مش مبسوط بيها و حد تانى راكب عربية ارخص و مريحاه على الاخر

اهم حاجة تفكر انت نفسك ايه اللى يبقى معاك فى العربية و تختار على اساسه .. متشتريش عربية عشان بتبيع كتير و خلاص و لا عشان شكلها و اوبشنها كتير و كويس شوف انت فعلا محتاج ايه

حضرتك راكب سيراتو و مش مقتنع اوى على الرغم ان حضرتك بتقول انها عربيه محترمه فلو جبت ريو انت كده بتنزل مش بتتطلع المهم انك تكون مستريح طبعا فى الاول يعنى لو مستريح فى 128 جبها المهم الراحه النفسيه فى ناس بتجيب عربيات عشان المنظر و الشكل و الناس تقول عليها عربيه غاليه فى النهايه هات اللى يريحك و يعجبك
ياريت لو تقولى مواصفات عربيتك و السعر المطلوب و ايه المصاريف اللى محتجاها عشان انا بدور لاخويا على عربيه :)

بص يا باشا لو العربيه معاك من الزيرو وانته عارفها وعارف اية اللى فيها فبجد حرام تبعها لان انا شايف العربيه مش وحشه ومفيش عربية هتلاقيها فيها كل اللى انته عاوزه يعنى اى عربيه فيها عيوب ومميزات

بص ياباشا الهاجس ده جالى من فترة رغم ان العربية الحمد لله مش مقصرة ف حاجة

فكر فيها من منطق تانى وانتا ترتاح علشان انتا كنت هموت على ميجان 2 2009 تكون نضيفة ادخلها ف عربيتى وكمان هاخد فرق
لانى غاوى رينو ومقتنع انه احسن عربية ركبتها

بس فكرت قلت دلوقتى حاجتى من العربية عربيتى مقضايه وزيادة ليه ابقى تفص والعربية معايا من الزيرو ومش مقصرا واروح اركب مستعمل مهما كان حالته ،

فانتا شوف احتيجاتك من العربية ايه ،ومنصحكش بصراحة بجيتا خالص هتكره ايامك بسبب فتيسها زيها زى التويوتا ،ومش هتركب لانسر خلاص موديلها تسعيناتى ،،

عايز ركوبة متعة اركب سيتروين ،اركب هوندا ،اركب سيات ليون (فيه غبار على فتيسها بردو )،اركب بي امايه 320 i موديل محترم حديث

غير كده متبعش

كلام الاخوة سليم جدا و انا نسيت اقولك فعلا متبعش الا لما تبقى شايف ان فيه حاجة فيها كل اللى انت عايزه و عجباك يعنى متبعش و بعدين تفكر هتركب ايه بعد كده ، لا فكر دلوقتى كأنك بعت العربية شوف هتبقى ميزانيتك كام و شوف هتقدر تجيب حاجة نفسك فيها و فيها كل اللى عايزه ولا لا

طبعا قرار البيع فى الاول و فى الاخر ليك بس انت مش محدد ميزانيه العربيه الجديده اللى هتركبها انا ارشحلك بيجو 508 او بى ام 320i

لو هتبيع يبقى تطلع بالموديل والفئة
اوكتافيا مثلا
او سيفيك
انما تشترى ريو يبقى انتى بترمى فلوسك فى الارض

والله انتوا رجالة زي الفل و انا بتكلم كاخوات مع بعض والله ربنا يعلم :)

فعلا انا شايف انوا السيراتوا محصلة كل العربيات و زيها زي فئتها يعني فعلا عشان تحس بالتغير لازم تركب الماني 3 سيريس مثلا او عربيات فئتها لكن ريوا فعلا رمي فلوس في الارض :( 125 و عربية اقل من بتاعتي :(

هيا مفيهاش حاجة العربية بس كل شوية بتعمل حركات بايخة تافهة يعني حكة خبطة على البارد معرفش ايه الحجات التافهم مراية تتكسر فكتر الحجات ديه بيقفل الواحد بس مش سبب عشان الواحد يبيع عربية عشانه الواحد مش لاقي فلوسه على الارض ...

انا كنت و انا راجع النهاردة شفت سول ففكرت اجيب سول 2010 مستعملة ولا حاجة ب 100 الف و ابيع بتاعتي ب 90 و اكمل بس فكرت فيها بقول مهي محصلة بعضيها ..... يعني ما الواحد ب العشرة دول يدلع العربية و يشدها و اهي معروفة اولها و اخرها فين عشان من الزيروا معايا و انا محافظ عليها مش هاينها :( ده لما اتكلمنت في بيع كله عاوز يشتري

رايكم اصرف نظر يعني و اشد عربيتي طيب و بالنسبة لموضوع الراحة النفسية انوا تحس العربية منحسة او قرفتها وحشة ده علاجه ايه ؟ انا مش عاوز اخسر اكتر من الي خسرته :( مصاريف من او ما جبتها يعني فحرام :(

اقتباس:

---

المشاركة الأصلية كتبت بواسطة deshahcoka

رايكم اصرف نظر يعني و اشد عربيتي طيب و بالنسبة لموضوع الراحة النفسية انوا تحس العربية منحسة او قرفتها وحشة ده علاجه ايه ؟ انا مش عاوز اخسر اكتر من الي خسرته :( مصاريف من او ما جبتها يعني فحرام :(

---

شوف اخى الكريم :
طالما انت قفلت من سيارتك كدة .... بصراحة لو شديتها ب50الف مش عشرة انت برضة هاتحس ان السيارة ( قرفتها وحشة ) ... دى حاجة نفسية خلاص ....
وبلاش الريو وفكر مثلا بالفلوينس 2010 او 2011 سيارة ممتازة او غير للهيونداى مثلا ....
ونصيحة : استخير قبل اتخاذ القرار

بلاش الفلوينس تكيفها مش حلو و سحبها ضعيف

النهاردة مع استمرارية القرفة الوحشة ...

اخدت طوبة تقريبا كانت مرمية في الطريق الدولي و كسرت الاكصدام و الكفر بتاع العجل طار هوا و شفة الاكصدام التحتانية و خلعت الفبرة بتاعت الدفيل الي في الاكصدام الوراني بس ربنا ستر في الماكنة و الكارتيترة كله سليم :(

و اخدت تريحة تانية في الباب ترترد على البارد يعني مش تعيب العربية ... بس كله بيحصل ورا بعضه فجأة كدة كتير :(

العربية حست اني كرهتهتها يعني فعمال تعاقبني و تحرق دمي ؟

اقتباس:

---

المشاركة الأصلية كتبت بواسطة Deshahcoka

النهاردة مع استمرارية القرفة الوحشة ...

اخدت طوبة تقريبا كانت مرمية في الطريق الدولي و كسرت الاكصدام و الكفر بتاع العجل طار هوا و شفة الاكصدام التحتانية و خلعت الفبرة بتاعت الدفيل الي في الاكصدام الوراني بس ربنا ستر في الماكنة و الكارتيترة كله سليم :(

و اخدت تريحة تانية في الباب ترترد على البارد يعني مش تعيب العربية ... بس كله بيحصل ورا بعضه فجأة كدة كتير :(

العربية حست اني كرهتهتها يعني فعمال تعاقبني و تحرق دمي ؟

---

لا حول ولا قوة الا بالله ....
قدر الله وماشاء فعل ...
انا لو منك يا Deshahcoka ما اركبهاش تانى لغاية ما تتباع ...

انت بتقول هاتبيع وتجيبلك 90 يعنى هاتزود مش اقل من 35-40 الف عشان تركب نفس الفئة Compact بغض النظر هاتحس بفرق كبير بين العربيتين او لأ

العربيات فى الفئه دى بتبتدى باللانسر شارك والكروز والالنترا والفلوونس , من 150 هاتلاقى الامبريزا والفوكس

رأيى هات حاجه جديده عشان تحس بفرق التغيير يعنى امبريزا او فوكس , والاسترا السيدان على فكره نازله كمان اسبوعين وسعرها هايبقى فى حدود 155 وتحفه :) لو هاتجيب حاجه من اللى كانوا موجودين مثلا كروز او فلوونس ماتجيبش غير لما الفيس ليفت ينزل , ولو استنيت للصيف الجاى يكون احسن تشوف السيراتو الجديده على الطبيعه واحتمال كمان مازدا 3 الجديده تنزل والكورولا برضه هاتغير شكل

اقتباس:

---

المشاركة الأصلية كتبت بواسطة hosam_optrawy

انت بتقول هاتبيع وتجيبلك 90 يعنى هاتزود مش اقل من 35-40 الف عشان تركب نفس الفئة compact بغض النظر هاتحس بفرق كبير بين العربيتين او لأ

العربيات فى الفئه دى بتبتدى باللانسر شارك والكروز والالنترا والفلوونس , من 150 هاتلاقى الامبريزا والفوكس

رأيى هات حاجه جديده عشان تحس بفرق التغيير يعنى امبريزا او فوكس , والاسترا السيدان على فكره نازله كمان اسبوعين وسعرها هايبقى فى حدود 155 وتحفه :) لو هاتجيب حاجه من اللى كانوا موجودين مثلا كروز او فلوونس ماتجيبش غير لما الفيس ليفت ينزل , ولو استنيت للصيف الجاى يكون احسن تشوف السيراتو الجديده على الطبيعه واحتمال كمان مازدا 3 الجديده تنزل والكورولا برضه هاتغير شكل

---

+11111
بالنسبه لصاحب الموضوع انا حاسس من كلامك انك مش طايقها فغير لفئه اعلى عشان تحس بفرق و ربنا يوفقك

مادام انته قفلت منها هات لانسر حاتحس بفرق

اقتباس:

---

المشاركة الأصلية كتبت بواسطة omaroof

مادام انته قفلت منها هات لانسر حاتحس بفرق

---

مظنش !!! انا ركبت الانسر 2012 اولا العربية صوتها عالى او على الاقل اعلى من السيراتو و فقيره فى الكماليات و الشكل الجمالى و الخامات مفيش فيها فارقه كبير بينها و بين السيراتو
انا من رأى و دون انحياز والله السيراتو من اول ما نزلت فى 2009 بالشكل الجديد خدت السوق من الانسر و الاوبترا و الكروز و الصنى بمعنى اصح هى بقى ليها الاسبقيه فى فئه السيارات من 100 الى 130 الف جنيه

:( الحمدلله خلاص الواحد اعصابوا تعبت والله

مش عارف اعمل ايه ...

موضوع السيارات ده قرف (بكسر القاف) فطالما غير مستريح معاها بيعها و ممكن تشتري عربيه ياباني عشان اسمك غيرت السياره

اقتباس:

---

المشاركة الأصلية كتبت بواسطة khaled_legand

موضوع السيارات ده قرف (بكسر القاف) فطالما غير مستريح معاها بيعها و ممكن تشتري عربيه ياباني عشان اسمك غيرت السياره

---

انا مش مستريح عشان الي بيحصل معايا فيها ده لكن غير كدة العربية مكنتش تعباني في حاجة يعني بس تعباني في الي بيحصلها ده ولا كأنها اس كلاس :(

فكرت بيع السيراتوا ب ال 90 و احطهم في افيوا زيروا بس شوفت المواصفات و عيوبها هنا في المنتدى حسيت اني حرتكب اكبر غلطة :(

اقتباس:

---

المشاركة الأصلية كتبت بواسطة deshahcoka

فكرت بيع السيراتوا ب ال 90 و احطهم في افيوا زيروا بس شوفت المواصفات و عيوبها هنا في المنتدى حسيت اني حرتكب اكبر غلطة :(

---

غلطه وبس !

دى جريمه فى حقك وحق المنتدى كله :)

اقتباس:

---

المشاركة الأصلية كتبت بواسطة deshahcoka

فكرت بيع السيراتوا ب ال 90 و احطهم في افيوا زيروا بس شوفت المواصفات و عيوبها هنا في المنتدى حسيت اني حرتكب اكبر غلطة :(

---

حرام عليك تبيع السيراتو وتجيب أفيو. أنا شايف ان اللي بيحصل ده مش عيب في العربيه ولكن زي ما تقول عين واحد حقود. ادبح حاجه ووزع على الفقرا وربنا يبعد عنك العين وترجع تستمتع بعربيتك تاني.

اقتباس:

---

المشاركة الأصلية كتبت بواسطة ahmed_adham

حرام عليك تبيع السيراتو وتجيب أفيو. أنا شايف ان اللي بيحصل ده مش عيب في العربيه ولكن زي ما تقول عين واحد حقود. ادبح حاجه ووزع على الفقرا وربنا يبعد عنك العين وترجع تستمتع بعربيتك تاني.

---

فعلا :( ما انا والله شهريا بطلع فلوس صدقات متنوعة على ناس مختلفة و متنوعة يعني

و موضوع الدبح دبحت و قريت قرأن و حتى جربت ميه البحر ههههههههههه

مش عارف اعمل ايه اكتر من كدة :(

بعد التحية للجميع
باختصار موضوعك دا حصل معايا وبيحصل مع ناس كتير لأن من البدايه عند الشراء تحديدك لنوع العربية بيتوقف على عوامل كتيرة معظمنا عارف الاساسيات اللي هي في النواحي المادية فقط وبنتغافل او بنهمل النواحي النفسية واللي هي لاتقل اهميه عن العوامل الماديه =حالة العربية وسعرها الدهان ووسائل الامان والحجم والفئه إلى اخره
النواحي المعنوية او النفسية بتتمثل في أطباع الأشخاص واختلافها من واحد للتاني يعني مثلا لو انت من النوع المللول ده بيفرق جدا عند الشراء لانه لو الشخص من النوعيه دي لازم يعرف انه لو هيشتري زيرو هيخسر جامد لانه كل شوية هيكره العربية ويطلع فيها عيوب حتى لوكانت العيوب معروفه فيها قبل مايشتريها او هيتلكك على اي سبب والعربية طول ماحسيت فيها كدا كل شوية هتحصل حاجه ولازم تبيع زي ماهتكرها هتكرهك, يعني الزيرو عشان تكون اخذت حقك منه تقعد معاك خمس سنين مثلا بعد كدا الفرق الجامد في السعر هيكون خيرالعربية من الزيرو
لومش فارق مع الشخص الفلوس يبقى يغير من الزيرو خصوصا لو عنده وسواس من المستعمل ومش بتاع وقفت مكانيكيه ومش معنى كدا ان المستعمل كله وحش بس طول مافيه فلوس يبقى زيرو
لو الفلوس هتفرق يبقى يجيب كسر زيرو اوحالتها كويسه ويغير كل شويا مش هيخسر في البيع
اما موضوع انك تنزل أو تطلع من فئة إلى فئة فدا برضه بيتوقف على عوامل كتيرة اهمها طريقة الاستخدام والمده يعني لو استخدامك كتير للسيارة ومشاوير كتيرة وسرعة ماينفعش تنزل من فئة اعلى لفئة اقل كدا انت بتخاطر بنفسك لانك متعود على امان اكثر في الفئة الاعلى فهيخونك دا في الفئة الاقل وهتندم لانك غيرت لاقل اما لو كان الاستخدام بسيط للسيارة ووقت محدود يبقى مش هيفرق الفئة اهم حاجه االامكانيات العادية اللي متعود عليها زي مثلا البور والتكيف.
كلنا معانا موبيلات فيه ناس كل شوية بتغير الموبيل واحد بيغيره لانه زهق منه وواحد عشان محتاج امكانيات اكتر وشغله كله على الموبيل وفيه بيغيره لانه محتاج مبلغ وبيجيب حاجه اقل وفيه اللي بيغيره لانه مش محتاج كل الابشن اللي فيه بتتعدد الاسباب لكن أغلبها بيكون نفسي
انا اسف على الاطالة من النادر اني بكتب بس في مواضيع بحس انها بتحصل معايا ومع ناس كتير فابحب اوضح وجهة نظري ممكن تفيد حد بإن الله
انا غيرت 6عربيات غير اللي جربتهم عربيتين قعدوا معايا ابع سنين تقريبا كل وحده سنتين وبعد كدا شهر و3شهور و8شهور واللانوس 6شهور ماندمتش في بيع اي وحدة الا لما نزلت لموديل اقل بفارق عشر سنين تقريبا رغم ان فيها باور وتكييف وكله تمام بس مدايقني نفسيا الموضوع دا وحاليا بدور على موديل حديث بس لما الامور تتظبط معايا لانه الاختلاف في نظري لما انزل من عربية فيها وسائل امان كثيرة لعربية لايوجد بيها وسائل امان غير كدا كله زي بعضه مش هتفرق الفئة ولا الموديل الا اذا كان موديل قديم جدا وكل سيارة بيها عيوب مختلفه
بفكر في السيراتوا رغم انها بدون زعل من اقل العربيات اللي سوقتها في الثبات مع انها كانت ماشية 6الاف فقط وكنت حزين جدا لما كنت سايقها لاني عايز اشتريها بس اللي مخليني رجعت افكر فيها تاني ان سفري مش كتير حاليا واستخدامي داخل المدينة وسرعتي مش هتزيد عن 120 وعشان شكلها من الخارج عاجبني بس
الخلاصة حدد استخدامك من العربية وبعد كدا وانت ماشي شوف العربية اللي بترتاح لها او ركبتها قبل كدا وعجبتك واستشير حد مشتريها او مكانيكي كويس واستخير ربنا اولا واخيرا وربنا يوفق الجميع لما فيه الخير

اقتباس:

---

المشاركة الأصلية كتبت بواسطة deshahcoka

انا مش مستريح عشان الي بيحصل معايا فيها ده لكن غير كدة العربية مكنتش تعباني في حاجة يعني بس تعباني في الي بيحصلها ده ولا كأنها اس كلاس :(

---

معلش يا فندم عينين الناس بقت سيئه و الحسد بيعمل علي اكمل وجه فسمي بالله قبل ما تدور و اقرأ المعوذتين و سيبك من موضوع الافيو ده حتي لا تكره حياتك

اقتباس:

---

المشاركة الأصلية كتبت بواسطة mashaly

بعد التحية للجميع
باختصار موضوعك دا حصل معايا وبيحصل مع ناس كتير لأن من البدايه عند الشراء تحديدك لنوع العربية بيتوقف على عوامل كتيرة معظمنا عارف الاساسيات اللي هي في النواحي المادية فقط وبنتغافل او بنهمل النواحي النفسية واللي هي لاتقل اهميه عن العوامل الماديه =حالة العربية وسعرها الدهان ووسائل الامان والحجم والفئه إلى اخره
النواحي المعنوية او النفسية بتتمثل في أطباع الأشخاص واختلافها من واحد للتاني يعني مثلا لو انت من النوع المللول ده بيفرق جدا عند الشراء لانه لو الشخص من النوعيه دي لازم يعرف انه لو هيشتري زيرو هيخسر جامد لانه كل شوية هيكره العربية ويطلع فيها عيوب حتى لوكانت العيوب معروفه فيها قبل مايشتريها او هيتلكك على اي سبب والعربية طول ماحسيت فيها كدا كل شوية هتحصل حاجه ولازم تبيع زي ماهتكرها هتكرهك, يعني الزيرو عشان تكون اخذت حقك منه تقعد معاك خمس سنين مثلا بعد كدا الفرق الجامد في السعر هيكون خيرالعربية من الزيرو
لومش فارق مع الشخص الفلوس يبقى يغير من الزيرو خصوصا لو عنده وسواس من المستعمل ومش بتاع وقفت مكانيكيه ومش معنى كدا ان المستعمل كله وحش بس طول مافيه فلوس يبقى زيرو
لو الفلوس هتفرق يبقى يجيب كسر زيرو اوحالتها كويسه ويغير كل شويا مش هيخسر في البيع
اما موضوع انك تنزل أو تطلع من فئة إلى فئة فدا برضه بيتوقف على عوامل كتيرة اهمها طريقة الاستخدام والمده يعني لو استخدامك كتير للسيارة ومشاوير كتيرة وسرعة ماينفعش تنزل من فئة اعلى لفئة اقل كدا انت بتخاطر بنفسك لانك متعود على امان اكثر في الفئة الاعلى فهيخونك دا في الفئة الاقل وهتندم لانك غيرت لاقل اما لو كان الاستخدام بسيط للسيارة ووقت محدود يبقى مش هيفرق الفئة اهم حاجه االامكانيات العادية اللي متعود عليها زي مثلا البور والتكيف.
كلنا معانا موبيلات فيه ناس كل شوية بتغير الموبيل واحد بيغيره لانه زهق منه وواحد عشان محتاج امكانيات اكتر وشغله كله على الموبيل وفيه بيغيره لانه محتاج مبلغ وبيجيب حاجه اقل وفيه اللي بيغيره لانه مش محتاج كل الابشن اللي فيه بتتعدد الاسباب لكن أغلبها بيكون نفسي
انا اسف على الاطالة من النادر اني بكتب بس في مواضيع بحس انها بتحصل معايا ومع ناس كتير فابحب اوضح وجهة نظري ممكن تفيد حد بإن الله
انا غيرت 6عربيات غير اللي جربتهم عربيتين قعدوا معايا ابع سنين تقريبا كل وحده سنتين وبعد كدا شهر و3شهور و8شهور واللانوس 6شهور ماندمتش في بيع اي وحدة الا لما نزلت لموديل اقل بفارق عشر سنين تقريبا رغم ان فيها باور وتكييف وكله تمام بس مدايقني نفسيا الموضوع دا وحاليا بدور على موديل حديث بس لما الامور تتظبط معايا لانه الاختلاف في نظري لما انزل من عربية فيها وسائل امان كثيرة لعربية لايوجد بيها وسائل امان غير كدا كله زي بعضه مش هتفرق الفئة ولا الموديل الا اذا كان موديل قديم جدا وكل سيارة بيها عيوب مختلفه
بفكر في السيراتوا رغم انها بدون زعل من اقل العربيات اللي سوقتها في الثبات مع انها كانت ماشية 6الاف فقط وكنت حزين جدا لما كنت سايقها لاني عايز اشتريها بس اللي مخليني رجعت افكر فيها تاني ان سفري مش كتير حاليا واستخدامي داخل المدينة وسرعتي مش هتزيد عن 120 وعشان شكلها من الخارج عاجبني بس
الخلاصة حدد استخدامك من العربية وبعد كدا وانت ماشي شوف العربية اللي بترتاح لها او ركبتها قبل كدا وعجبتك واستشير حد مشتريها او مكانيكي كويس واستخير ربنا اولا واخيرا وربنا يوفق الجميع لما فيه الخير

---

والله يا فندم انتا راجل ذوق و كتر الف خيرك و معلش على تعب حضرتك بس فعلا حضرتك وفيت و كفيت و قلت الي فيها :) الف شكر لمعاليك يا باشا :)

اقتباس:

---

المشاركة الأصلية كتبت بواسطة khaled_legand

معلش يا فندم عينين الناس بقت سيئه و الحسد بيعمل علي اكمل وجه فسمي بالله قبل ما تدور و اقرأ المعوذتين و سيبك من موضوع الافيو ده حتي لا تكره حياتك

---

انتا حتقلي :( انا كرهت حياتي خلاص مش لسه حكرها :( و العين من القريب قبل الغريب والله .. ألجران و الاقارب دول لعنة :( الغريب بيقر عادي بيقر على عربيات مصر كلها غير لما الحسد يبقى بعينه و بتفاصيلة :( والله بسمي و بعمل كل حاجة :) الحمدلله على كل شيء :)

[QUOTE=Deshahcoka;3874584144]فكرت بيع السيراتوا ب ال 90 و احطهم في افيوا زيروا بس شوفت المواصفات و عيوبها هنا في المنتدى حسيت اني حرتكب اكبر غلطة :([/QU[/SIZE]
يا بيه الكلام ده عيب و حرام :D
انت تغير عربيه علشا نتجيب فئه اعلى مش تجيب فئه اقل